Gant an dataeg ez eus deskrivet meur a zanvez pennañ : ar c’hanoù hag an oberennoù. Liammet ez eus bet dezho danvezioù all : an dastumerien, ar ganerien ha lec’hioù an dastumadennoù.

Aroueziet eo ar c’han dre e zave : un niverenn eo, hep ster na karg ispisial ebet. Ur merk eo nemetken. Pa vez kavet adstummoù disheñvel ar c’han gant titloù orin disheñvel e vo roet ar memes niverenn evit an holl anezho.
Bepred e krog an niverenn-se gant al lizherenn M evel « Malrieu » (da skouer M-00141).

Ur stumm resis a zo ur ganaouenn bet klevet gant un dastumer digant un c’haner, en ul lec’h. Roet ez eus bet da bep stumm resis un niverenn dibabet, hep abeg, dre urzh anvioù ar skrivagnerien (an embannerien ?) hag an oberennoù. Tamm ster ebet n’he deus an niverenn-mañ, un arouez eo nemetken.
Ur stumm resis a c’hell bezañ bet embannet meur a wech e oberennoù disheñvel. An embannadurioù-se a zo lies degouezhioù ar memes stumm resis. Neuze e vez lakaet ul lizherenn da heul niverenn ar stumm resis, hervez urzh red an amzer : « a » evit an degouezh koshañ, « b » evit an eil hag all hag all. Al lizherenn-mañ a ziskouez neuze kronologiezh an embannadurioù.

Meur a gan disheñvel a c’hall bezañ e-barzh ar memes oberenn (levr, kazetenn, dornskrid, folenn distag …).


Ouzhpenn da se, evit pep klask dre an testennoù :

• Dre un heuliad arouezioù resis e vez graet an enklask : N’eo ket heñvel ar respontoù evit « brezel 1914 » hag evit « 1914 brezel ».
• Ar sin (*) a c’hell bezan lakaet e plas ul lizherenn, ur ger pe un heuliad gerioù.
• N’eo ket posupl klask gant oberataerien boulean evel « HAG, PE, NEMET ».