Kanaouennoù an hengoun dre gomz e brezhoneg
kavet el levrioù, kelaouennoù ha dornskridoù

Donemat deoc’h e-mesk ar c’hanaouennoù poblek a hengoun dre gomz e brezhoneg. Savet eo bet ar c’horpus-mañ diwar ar skridoù a zo bet graet anezhe, alies gant an dastumerien o-unan, evit levrioù, kelaouennoù pe dastumadoù dornskridoù. Klotañ a ra gant an dachenn a gustumer ober anezhi « lennegezh dre gomz », « kanaouennoù hengounel », kanaouennoù eus Breizh », « folklor »…

Bienvenue
Tamm - Théophile Salaün (1894) - Ti-kêr Lannuon

Diaes e vez alies gouzout pelec’h lakaat an harz etre ar pezh a zo eus bed an « hengoun », da lavaret eo ar c’hanaouennoù treuzkaset dre gomz, gant an holl cheñchamantoù bihan pe bras a c’hall en em gavout e-keñver an destenn orin, hag ar pezh a zo eus bed al « lennegezh », da lavaret eo un oberenn bersonel, roet ur stumm dezhi evit mat dre ar skrid, diouzh c’hoant hec’h oberour.
An dachenn « lennegel » eo kentoc’h hini lodenn all al lec’hienn-mañ : ar follennoù distag moullet. Al lodenn-mañ diwar-benn an « hengoun dre gomz » a bled kentoc’h gant kanaouennoù bet dastumet digant dougerien hengoun.

Savet gant tud a youl vat, hep skoaziad, digoust, al lec’hienn-mañ a glask da gentañ aesaat enklaskoù an implijerien. Trugarez dezhe da chom hep ankouaat n’houlomp ket reiñ da grediñ e vefe peurglok. Er c’hontrol e ranker kompren e vez atav war ober. Trugarez d’ar re a garfe kemer perzh dont e darempred ganeomp. Deuet mat e vint !
Ma vez graet un adimplij publik eus danvez al lec’hienn-mañ, trugarez da venegiñ hec’h anv : « kan.bzh ».

Deuit e darempred ganeomp hardi evit kement enklask all ho pefe d’ober, m’ho peus evezhiadennoù, ma welit fazioù, pe ma soñj deoc’h e anavezit mammennoù all n’int ket meneget amañ.

Gweladenn vat deoc’h !

Al lec’hienn e sifroù

Bodet eo el lec’hienn-mañ ar c’hanaouennoù e brezhoneg a hengoun dre gomz hervez 1797 kanaouenn-skouer. Ar c’hanaouennoù-skouer-mañ a glot gant 12363 degouezh embannet pe kavet e dornskridoù. An degouezhioù-se a glot gant 6440 stumm disheñvel. Evit 2095 1993 stumm n’ouzer nag anv ar c’haner na pelec’h eo bet dastumet ar c’han. Evit ar re all, dastumet int bet digant 1148 kaner, e 359 c’humun gant 334 dastumer.
Gallout a raer gwelet 3832 PDF en-linenn.
Evit un hanter-kant kanaouenn-skouer bennak e c’haller selaou un tamm anezhe. Tapet eo bet ar skouerioù-se e-barzh CDoù an dastumad Bro Dreger embannet gant Kreizenn Sevenadurel Lannuon.
Darempred Pajenn Facebook