Petra zo nevez ?

Ouzhpennet

• Ar 145 kanaouenn a zo war CDoù Kreizenn Sevenadurel Lannuon a c’haller kavout bremañ, da selaou e MP3, stummoù PDF an testennoù gant an droidigezh, tammoù eus al levrigoù zo moaien da gavout ivez. Tri c’han-skouer nevez ha tregont (eus M-03096 betek M-03129) zo bet ouzhpennet.
• Daveennet eo an 70 kanaouenn gant ar Vreudeur MORVAN bet embannet e 2002 gant Guy hag Yvonne BERTHOU e-barzh Teñzor ar Botkol – Patrimoine chanté. 32 gan-skouer (eus M-03130 betek M-03161) zo bet anavezet en ur ouzhpennañ ar c’hanaouennoù-se. Daouzek anezhe a glot gant kanaouennoù war Follennoù Distag.
• Ouzhpennet eo bet ivez ar 57 kanaouenn kanet gant ar Vreudeur MORVAN war viniloù (Stroll, Breiz, 1965 ; Metig, 1964) ha CDoù (Fest-noz à Botcôl, 1999) ; Un demi-siècle de Kan ha Diskan, 2009). Gallout a raer selaou ar viniloù.
• Ouzhpennet eo bet ar 156 kanaouenn a zo e levr Bernard LASBLEIZ, DA5TUMAD – Cinq collectes inédites de chansons du Trégor-Goëlo, embannet gant Dastum Bro-Dreger e 2024. Dalc’het eo bet kont eus an dornskridoù a glot gante. Dre se zo bet anavezet 47 kan-skouer nevez (eus B-03162 betek B-03208). Ouzhpennet eo bet ar 101 c’han a zo e levr Daniel GIRAUDON, La Bretagne à travers chants – Gwerzioù ha sonioù, embannet gant Yoran embanner e 2024) Dre se zo bet anavezet 7 kan-skouer nevez (eus B-03209 betek B-03215).

Itemoù son
180 item son zo bet ouzhpennet evit ar c’hanoù-skouer (pladennoù ha kasedigoù) gant ar restroù MP3 ac’h a da heul.

Gwiriekaet ha reizhet eo bet daveoù Dornskridoù Édouard GILLIOUARD e Diellaoueg ar Mor-Bihan.
Ur c’hant bennak a ziverradennoù zo bet ouzhpennet evit ar c’hanoù-skouer. Trugarez da Laurence BERTHOU-BÉCAM.

Bremañ eo 2874 kan-skouer ha 19373 degouezh zo renablet e katalog an Hengoun dre Gomz, da lavaret eo 791 degouezh muioc’h eget er stumm diwezhañ.

Améliorations fonctionnelles
Amélioration de l’ergonomie de la recherche par Référence Malrieu.
Ajout des noms d’auteurs pour les articles de revues.

Ajouts
Ajout des 262 Pdf de l’ouvrage de François-Marie LUZEL, Chants et chansons populaires de la Basse-Bretagne, Soniou Breiz-Izel, 2 tomes, paru en 1874 et 1890.

Ajout des 113 références et des Pdf du Manuscrit de François-Marie LUZEL, Chansons bretonnes - Sonio ha Gwerzio Brezonek Dastumet gant F.-M. Ann Huël, Fonds Anatole Le Braz, Manuscrit 4626 conservé au CRBC à Brest.

Ajout de 651 Pdf des manuscrits de Mathurin BULÉON. L’ensemble des 856 Pdf des manuscrits BULÉON sont maintenant disponibles.

Au total, 1026 nouveaux Pdf et 72 nouveaux résumés de chants-types ont été ajouté depuis la précédente version du site.
Le catalogue de Tradition Orale recense actuellement 2758 chants-types et 18583 occurrences de chansons.

Kartennoù
Evit pep kan-skouer e c’haller gwelout dasparzh douaroniel ar stummoù e Breizh gant ur gartenn etregwezhiat.

Ouzhpennadennoù
Ouzhpennet ez eus 155 daveenn eus levr Éva GUILLOREL, Barzaz Bro-Leon - Une expérience inédite de collecte en Bretagne embannet gant Presses Universitaires de Rennes et le Centre de Recherche Bretonne et Celtique de Brest e 2012. Ouzhpennet ez eus ivez an 167 daveenn dornskridoù studiet el levr-mañ hag o PDFoù.
Gant al labour-se e c'haller anavezout 80 kan-skouer nevez.

Ouzhpennet ez eus 54 daveenn tennet deus oberenn Éva GUILLOREL, La complainte et la plainte - Chansons, justice, cultures en Bretagne (XIe-VIIIe-siècles) embannet gant Presses Universitaires de Rennes, Centre de Recherche Bretonne et Celtique de Brest ha Dastum e 2010. Ouzhpennet eo bet ivez an 22 daveenn eus he DEA, an 83 daveenn eus he tezenn a zo bet e orin an embannadur-mañ hag ar PDFoù a glot ganto.

Ouzhpennet ez eus 51 daveenn tennet deus tezenn Yvon LE ROL, La langue des « gwerziou » à travers l’étude des manuscrits inédits de Mme de Saint-Prix (1789-1869) kinniget e 2013.

Ouzhpennet ez eus 192 skrid-sonerezh nevez deus oberenn Mathurin BULÉON, Chansons traditionnelles du pays vannetais embannet gant Dastum Bro Ereg ha Dielloù Departamant ar Morbihan e 2012. Holl an 523 skrid-sonerezh eus al labour-mañ a vez kavet bremañ. Trugarez da André LE MEUT ha da ha Dielloù Departamant ar Morbihan da vezañ aotreet ac’hanomp da lakaat enlinenn ar skrid-sonerezh-mañ.

Ouzhpennet eo bet diverradennoù nevez eus 59 kan-skouer ha 156 golo levr.
Bremañ zo renablet 2758 gan-skouer ha 18564 degouezh kanaouennoù e katalog an Hengoun dre Gomz.

Ouzhpennet ez eus 132 zegouezh kavet e oberenn Polig MONJARRET, Kanaouennoù Breizh 3 - Musiques et chants populaires de Bretagne embannet gant Bodadeg ar Sonerion, Dastum, Dastum Bro Ereg, Mignoned Polig Monjarret en 2013.
Gant al labour-se e c'haller anavezout 20 kan-skouer nevez.

Ouzhpennet ez eus 86 skrid-sonerezh nevez tennet deus labour Mathurin BULÉON, Chansons traditionnelles du pays vannetais embannet gant Dastum Bro Ereg ha Dielloù Departamant ar Morbihan e 2012.

E c'hatalog an Hengoun dre Gomz e brezhoneg e kaver bremañ 2 667 kan-skouer ha 17 840 degouezh kanaouennoù.

Mathurin BULÉON

Al levr Mathurin BULÉON, Chansons traditionnelles du pays vannetais zo bet embannet e 2012 gant Dastum Bro Ereg ha Diellaoueg-departamant ar Mor-Bihan. Kavout a raer ennañ an danvez bet dastumet gantañ hag a oa miret en e zornskridoù (ur strobad 36 a gaieroù, karnedoù pe dastumadoù skridoù-sonerezh, dastumet etre 1902 ha 1929).

Bremañ e c’haller kavout war al lec’hienn 670 stumm al levr-se, kar ouzhpennet zo bet 271 stumm na oant ket meneget c’hoazh hag a ro 232 gan-skouer nevez (M-02783 betek M-03014). E-touez ar c’hanoù-skouer-se, evit 123 anezhe n’eus nemet tammoù dioute, gant ur poz nemetken. Memes tra hon eus kavet e oa dedennus delc’her kont anezhe. An diverradurioù graet evit an tammoù-se a adtap o zestenn en he fezh.

882 zegouezh an dornskridoù zo bet lakaet ouzhpenn ivez. Gallout a raer kaout 1174 Pdf ar 6 kaier kentañ. Evit ar wech kentañ e c’hall an neb a gar gwelet an dielloù orin-se. Trugarez da Nolwenn MONJARRET da vezañ roet hec’h aotre evit ma vefent lakaet enlinenn. Skannet eo bet ar c’haieroù-se gant Loeiz ER BRAZ. Diwezhatoc’h e vo lakaet Pdfoù ar c’haieroù all.

179 skrid-sonerezh lakaet ouzhpenn.
Trugarez da Ziellaoueg ar Mor-Bihan e Gwened da vezañ aotreet ac’hanomp da lakaat enlinenn skridoù-sonerezh al levr-se ha da vezañ roet ar restroù deomp evit netra. André LE MEUT, en doa enbarzhet anezhe, en deus kemeret ar boan da azasaat anezhe evit ma c’hallfent bezañ selaouet enlinenn.
Gallout a raer kaout levr BULÉON c’hoazh e Diellaoueg ar Mor-Bihan. El levr-se ez eus 542 skrid-sonerezh a vo lakaet enlinenn tamm ha tamm war al lec’hienn.

Édouard GILLIOUARD

Ouzhpennet eo bet 96 Pdf an Dornskridoù Gilliouard.

Alexandre LÉDAN

Ouzhpennet zo bet 30 diverradur eus kanouennoù an Dornskridoù Lédan.

Gwellaat ar c’hlask

Gwellaet eo bet ar c’hlask gant tiredoù pe arouezennoù ispisial : bremañ e c’haller klask gant "oe" peg (evel cœur pe Œdipe) peotramant gant ñ (evel Fañch), da skouer. Betek-henn ne veze ket diskouezet an holl zisoc’hoù.


2647 kan-skouer ha 17667 degouezh kanaouennoù zo bremañ e katalog an Hengoun dre Gomz.

Ouzhpennet eo bet 120 Pdf Dastumad dornskrivet Loeiz ER BRAZ. Kalite an dielloù skannet-mañ n’eo ket atav eus ar c’hentañ, met darn eus ar c’hanaouennoù-se n’int anavezet nemet dre ar stumm roet gant Loeiz ER BRAZ, setu eo gwall zedennus ar Pdfoù-se memes tra.

Reizhet eo bet daveoù an Dornskridoù GILLIOUARD e Diellaoueg-departamant ar Mor-Bihan.

Ouzhpennet zo bet 207 Pdf eus ar c’hanaouennoù bet dastumet gant Yves LE DIBERDER ha kopiet gant Édouard GILLIOUARD en e Zornskridoù.

114 kan-skouer zo bet lakaet ouzhpenn (etre M-02572 ha M-02746). Dont a ra ar c’hanoù-skouer-se eus Dornskridoù Alexandre LÉDAN. Darn eus ar c’hanaouennoù zo bet savet gant tud desket hag e ouzer piv en deus savet anezhe (Alexandre LÉDAN e-unan, an Ao. DE LANSALUT, François GUENVEUR, …). Kanouennoù zo zo bet embannet war Follennoù Distag. Moarvat zo darn eus ar c’hanaouennoù n’o deus ket kavet o flas en hengoun dre gomz. Met dre ma oa bet graet an dibab kemer e kont an holl ganaouennoù a vez kavet en un dornskrid pe ul levr bennak a gaver ennañ kanaouennoù testeniet en hengoun dre gomz hon eus lakaet anezhe er c’hatalog-mañ memes tra.
Un daou-ugent diverradur bennak zo bet savet gant Laurence BERTHOU-BÉCAM. Ouzhpennet e vo an diverradurioù all diwezhatoc’h.
Ar 114 kan-skouer-se a glot gant 422 zegouezh nevez er c’hatalog.

2415 kan-skouer ha 16498 degouezh kanaouennoù a gaver bremañ e katalog an Hengoun dre Gomz.

Bremañ e kemerer e kont ivez an embannadurioù audio er c’hatalog (78 tro, viniloù, kasedigoù, CDoù).
Tamm ha tamm e vefont lakaet e-barzh. Evit poent ne gaver e-barzh ar c’hatalog nemet ar c’hanaouennoù-skouer a zo bet anavezet, se zo kaoz e c’hall bezañ ne vefe ket kavet holl ganaouennoù ur bladenn. Evit ar stumm-maén zo bet ouzhpennet 436 degouezh audio a c’haller selaou e MP3. Dont a reont eus ar pladennoù embannet gant Mouez Breiz hag eus ar CDoù embannet gant Kreizenn Sevenadurel Lannuon.
Ar braz eus an degouezhioù-se zo traoù a-cappella. N’eus ket bet dalc’het kont eus ar strolladoù muzik.
Koulskoude zo bet soñjet e oa dedennus lakaat ivez traoù bet enrollet a-raok bloavezhioù ar revival (1970), evit diskouez penaos e oa bet skignet kanaouennoù hengounel e stummoù modernaet (laz-kanañ, gant piano da heul, kanet gant un doare heñvel ouzh ar c’han klasel, …). Dont a ra an enrolladennoù-se dreist-holl eus ar pladennoù 78 tro ha viniloù Mouez Breiz. Ne zalc’her ket kont anezhe e stummoù ar c’hanaouennoù-skouer ha kavet e vezont er c’hatalog er rubrikenn «Kanet gant tud all».

Poltredoù an Obrourien (60), an Dastumerien (82) hag ar Ganerien (83) zo bet lakaet ouzhpenn.

Ouzhpennet zo bet 391 kanaouenn tennet eus levr BULÉON Mathurin, Chansons traditionnelles du pays vannetais (penn kentañ an XXvet kantved), embannet gant Diellaoueg-departamant ar Mor-Bihan e 2012.

Ouzhpennet zo bet 66 kanaouenn eus levr LE MÉRER Constance, Une collecte de chants populaires dans le pays de Lannion, Textes et musiques présentés par Bernard LASBLEIZ & Daniel GIRAUDON, embannet e 2015 gant Dastum Bro-Dreger.

Evit an daou levr diwezhañ-mañ n’eus bet dalc’het kont nemet eus ar c’hanaouennoù a glot gant kanaouennoù-skuouer anavezet. Ar re all a vo lakaet diwezhatoc’h.

Bremañ zo renablet 2302 gan-skouer ha 15 960 degouezh kanaouennoù e katalog an Hengoun dre Gomz.

Ouzhpennet eo bet ar 125 kanaouenn a zo e levr GUILLEVIC Augustin, CADIC Jean-Mathurin, Chants et airs traditionnels du pays vannetais (dibenn an XIXvet kantved) embannet gant Dastum Bro Ereg ha Diellaoueg-departamant ar Mor-Bihan e 2007.

Ar skridoù-sonerezh a c’haller selaou :
18 skrid-sonerezh lakaet ouzhpenn e MP3 diwar kanaouennoù an Enklask Fortoul.
Bremañ e c’haller selaou 2629 skrid-sonerezh e MP3 war al lec’hienn.

Astenn da gatalog an Hengoun dre Gomz :
Kendalc’het zo bet da astenn katalog Patrick MALRIEU gant 35 kan-skouer (Daveennoù etre M-02747 ha M-02781) tennet eus levr GUILLEVIC.
Gant Laurence BERTHOU-BECAM eo bet skrivet o diverradurioù. Adwelet eo bet o zitloù e brezhoneg gant Pascal LINTANF. Adwelet eo bet o zitloù e saozneg gant Mike JAMES.

2302 gan-skouer ha 15057 digouezh a vez kavet bremañ er c’hatalog Hengoun dre Gomz.

Skridoù-sonerezh da selaou
Ouzhpennet zo bet 300 skrid-sonerezh e stumm MP3, tennet eus levr Yves LE DIBERDER, Chansons traditionnelles du pays vannetais (1910-1915). Ar 765 skrid-sonerezh a gaver el levr-se a c’haller gwelet bremañ ha selaou ivez a-drugarez da André LE MEUT en deus adkempennet anezhe evit ma vefe moaien da selaou anezhe war internet. Trugarez da zDiellaoueg ar Mor-Bihan e Gwened en deus roet an aotre da skignañ enlinenn ar skridoù-sonerezh-mañ tennet eus al levr embannet ganto e 2011 hag a vez kavet c’hoazh da brenañ e Diellaoueg ar Mor-Bihan.
2611 skrid-sonerezh a c’heller selaou bremañ e MP3 war al lec’hienn.

550 Pdf a zo bet lakaet ouzhpenn.
Ar Pdfoù-mañ a ginnig dreist-holl kanaouennoù a vez kavet war un dro en Hengoun dre gomz ha war Follennoù Distag.
6270 Pdf a c’haller gwelet bremañ war al lec’hienn.

Astenn ar c’hatalog Hengoun dre Gomz
Kendalc’het eo bet astenn katalog Patrick MALRIEU gant 106 kan-skouer (Daveennoù M-02516 ha da- heul) kavet dreist-holl e dornskridoù Lédan. Gant Laurence BERTHOU-BECAM eo bet skrivet o diverradurioù. Adwelet eo bet o zitloù e brezhoneg gant Pascal LINTANF. Adwelet eo bet o zitloù e saozneg gant Mike JAMES.

2255 kan-skouer ha 14698 digouezh a vez kavet bremañ er c’hatalog Hengoun dre Gomz.

Ouzhpennet 849 restr Mp3 :

• 25 skrid-sonerezh diwar dastumadurioù Maodez GLANNDOUR.
• 41 skrid-sonerezh gant Joseph CANTELOUBE, Anthologie des chants populaires français.
• 25 skrid-sonerezh embannet e-barzh Revue des Traditions Populaires etre 1887 ha 1912.
• 5 skrid-sonerezh embannet e-barzh Revue de Bretagne et de Vendée etre 1889 ha 1903.
• 98 skrid-sonerezh embannet gant Loeiz HERRIEU er gelaouenn Chansons de France etre 1910 ha 1913.
• KERVARKER, Barzaz-Breiz :
  41 skrid-sonerezh evit embannadur 1845
  92 skrid-sonerezh evit embannadur 1867
• 492 skrid-sonerezh gant Yves LE DIBERDER, Chansons traditionnelles du pays vannetais (1910-1915).

Trugarez da zDiellaoueg ar Mor-Bihan e Gwened da aotreañ ac’hanomp da lakaat enlinenn skridoù-sonerezh LE DIBERDER tennet eus al levr embannet gante e 2010. Restroù niverel ar skridoù-sonerezh-se zo bet laosket en hor c’herz evit mann. Gant Andre LE MEUT e oant bet savet hag azasaet evit bezañ selaouet enlinenn. Levr LE DIBERDER a c’haller kaout c’hoazh e Diellaoueg ar Mor-Bihan. Ouzhpenn 800 skrid- sonerezh a zo el levr-se ha tamm ha tamm e vefont lakaet enlinenn war al lec’hienn-mañ.

Patrick DUPLENNE en deus graet war-dro an holl skridoù-sonerezh all.
Bremañ e c’haller selaou 2295 skrid-sonerezh e Mp3 war al lec’hienn.

Ouzhpennet 532 Pdf :

• KERVARKER, Barzaz-Breiz :
  55 Pdf evit embannadur 1839
  84 Pdf evit embannadur 1845
  92 Pdf evit embannadur 1867
• GOURVIL Francis, Hersart de La Villemarqué et le « Barzaz-Breiz » : 43 Pdf
• Un toullad Follennoù Distag a gaver en Hengoun dre Gomz.

5752 Pdf a c’haller gwelet bremañ war al lec’hienn.

Astenn ar c’hatalog Hengoun dre Gomz
Delc’her a raer da astenn katalog Patrick MALRIEU gant 65 kan-skouer ouzhpennet. Gant Laurence BERTHOU-BECAM eo bet skrivet o diverradurioù. Adwelet eo bet o zitloù e brezhoneg gant Pascal LINTANF. Adwelet eo bet o zitloù e saozneg gant Mike JAMES. Mann nemet gant levr Yann-Fañch KEMENER, Carnets de route, ez eus bet gallet ouzhpennañ 54 eus ar c’hanaouennoù-skouer-se (eus M-02459 betek M-02515).

Bremañ ez eus renablet 2151 c’han-skouer ha 13 998 degouezh kanaouennoù er c’hatalog Hengoun dre Gomz.

Astenn ar c’hatalog Hengoun dre Gomz
Delc’her a raer da astenn katalog Patrick Malrieu gant 290 daveenn bet lakaet ouzhpenn e-barzh, eus M-02110 betek M-02428 (58 daveenn n’int ket implijet). Skrivet eo bet an diverradurioù gant Laurence Berthou-Bécam. Adwelet eo bet an titloù e brezhoneg gant Paskal an Intañv. Adwelet eo bet an titloù e saozneg gant Mike James.

An daveennoù-se a glot gant 1182 item.

• eus M-02110 betek M-02122 : LARBOULETTE Jean-Louis, Chants traditionnels vannetais 1902-1905.
• eus M-02152 betek M-02259 : BERTHOU-BECAM Laurence, L’enquête Fortoul (1852-1876) – Chansons populaires de Haute et Basse-Bretagne, vol.2, Basse-Bretagne.
• eus M-02260 betek M-02300 : LAURENT Donatien, Aux sources du Barzaz-Breiz – La mémoire d’un peuple.
• eus M-02301 betek M-02363 : LUZEL François-Marie, Dornskridoù.
• eus M-02364 betek M-02428 : TROADEG Ifig Carnets de route – Gwerzioù ha sonioù Bro-Dreger

Er c’hatalog Hengoun dre Gomz e kaver bremañ 2086 kan-skouer ha 13759 degouezh kanaouennoù.

Liammoù etre kanaouennoù
Al liammoù da gas eus an eil kan d’egile a zo bet klokaet hag un notenn a zispleg petra eo « danvez » an adkasadennoù-se. Da skouer : « Ar merc’hed o tont d’ar gêr, freget o faraplu, drailhet o c’hoef » ; « An dud yaouank pa zimezont, n’ouzont ket petra reont. Kavout a ra dezhe e kouezh aour eus ar gwez ! N’eo nemet delioù melen e vez. » ; « Me a rankontras ur goulmig wenn, anv Jezuz skrivet war he fenn.» …

Ouzhpennet 963 fichenn Pdf

• 157 Pdf a bep seurt ;
• 463 fPdf eus an Dornskridoù Ollivier Ms 974 betek 977, Kopienn Dornskridoù Penguern ;
• 273 Pdf eus Dornskridoù Ollivier Ms 979 ha 980, Kopienn « Gwerziou, chansonniou ha rimou », gant Ledan ;
• 70 Pdf eus Dornskridoù Ledan.

Trugarez da Levraoueg ar Maezioù Frank e Roazhon he deus aotreet ac’hanomp da lakaat enlinenn Dornskridoù Ollivier war al lec’hienn-mañ ha da Levraoueg Montroulez he deus roet hec’h aotre evit ma vefe lakaet enlinenn Dornskridoù Ledan war al lec’hienn. Gant Didier Bécam eo bet skannet ar fichennoù Pdf-se diwar mikrofilmoù.
Bremañ e c’haller gwelet 5938 fichenn Pdf war al lec’hienn.

Degouezhioù lakaet ouzhpenn evit al levrioù

• Daniel GIRAUDON, La clef des chants – Histoires de gwerzioù, embannet nevez zo.
• ROPARS Daniel, Kan ha diskan – Gavottes de Bretagne, Testennoù ar bladenn Mesaerien Poullaouen, Kelc’h Keltiek Poullaouen, 1958.
• ROPARZ Loeiz, Kan ha Diskan, 1979.

Astenn ar c’hatalog Hengoun dre Gomz
E 1998 e oa bet savet ar c’hatalog gant Patrick Malrieu, er bloaz m’en doa tremenet e dezenn doktorelezh war ar studioù keltiek, anvet « La chanson populaire de tradition orale en langue bretonne – Contribution à l’établissement d’un catalogue ». Er c’hatalog-se e oa 1688 kan-skouer (eus M-00001 betek M-01790) ha 5000 degouezh. Abaoe en deus furchet Didier Becam e oberennoù pe dornskridoù all hag evel-se ez eus bet kavet kanoù-skouer nevez ha degouezhioù nevez zo bet ouzhpennet er c’hatalog.
Asambles gant Patrick Malrieu e oa bet divizet e-kerzh ar furchadennoù en oberennoù pe donrskridoù nevez-se e vefe dalc’het kont eus an holl ganaouennoù. Ar re a c’halled soñjal diwar o fenn e oant bet savet gant tud lennek a zo bet renket en tem « Kanaouennoù lenneien ».
Krog e oa Patrick Malrieu da wiriekaat ar c’hanoù-skouer diskoachet gant Didier Becam, met siwazh n’en deus ket gallet echuiñ al labour-se. Setu m’eo deomp bremañ d’ober war-dro al labour astenn ar c’hatalog savet gant Patrick Malrieu. Kregiñ a ra an daveennoù nevez gant M-02001. Tost da 700 kan-skouer nevez a zo bet anavezet evit bremañ. Skrivet eo bet an diverradurioù gant Laurence Berthou-Becam. E stumm nevez al lec’hienn e kaver 109 daveenn ouzhpenn. An daveennoù eus M-2001 betek M-02026 a zo evit kanaouennoù bet dastumet gant Cadic, hag an daveennoù eus M-02027 betek M-02109 evit kanaouennoù bet dastumet gant An Diberder.
Ar pezh a ra 297 degouezh ha 175 stumm resis evit an daveennoù-se. Tamm ha tamm e vo lakaet an daveennoù all ouzhpenn.

Liammoù etre ar C’hanaouennoù a Hengoun dre Gomz hag ar Follennoù Distag
Darn eus ar c’hanaouennoù dastumet en Hengoun dre Gomz a zo bet embannet ivez war Follennoù Distag. Da skouer : Ar filouter fin / Le fin filou (M-00179 ha C-00530). Evit poent eo graet al liamm evit 69 c’han, met graet e vo tamm ha tamm evit re all war al lec’hienn.
Evit ar c’hanaouennoù-se eo bet roet ar memes titloù unvan dezhe e galleg hag e brezhoneg, kement-all evit an diverradurioù.
E listenn degouezhioù ar c’han en Hengoun dre Gomz ez eus bet ouzhpennet un degouezh Follenn Distag dre vouller. Embannadurioù disheñvel ar Follennoù Distag a c’hallo bezañ kavet e lodenn Follennoù Distag al lec’hienn.
Dre ul liamm e fin pep kan e vezer kaset eus al lodenn Hengoun dre Gomz da lodenn Follennoù Distag al lec’hienn.

Ouzhpennet ez eus bet 1062 fichenn Pdf :

• 592 Pdf eus dornskridoù De Penguern, Dornskridoù 89, 90, 91, 92, 94, 95, 111, 112.
• 140 Pdf eus al levr « Dastumad Penwern ».
• 272 Pdf Follennoù Distag.
• 41 Pdf eus ar gelaouenn Gwerin, levrenn 6, deuet er-maez e 1965.
• 13 Pdf eus al levr « Gourvil, La chanson bretonne au front », 2 strobad.
• 4 Pdf eus al levr « Pipi Talon, Kanaouenou brudet e Breiz-Izel kanet gant ar barz «Pipi»Talon».

Bremañ e c’haller gwelet 3823 fichenn Pdf war al lec’hienn.

Ouzhpennet ez eus bet 201 skrid-sonerezh da selaou e MP3 :

• 35 skrid-sonerezh o tont eus al levr « LATERRE Hippolyte, GOURVIL Francis, Kanaouennoù Breiz-Vihan – Mélodies d’Armorique »
• 33 skrid-sonerezh o tont eus ar gelaouenn « Mélusine, 1878-1912 ».
  Trugarez da Batrick Duplenne en deus krouet ar restroù MP3 evit selaou ar skridoù-sonerezh-se.
• Ouzhpennet evit levr Yann-Fañch Kemener « Carnets de route », deuet er-maez e 1996 :
  • 113 skrid-sonerezh sonet gant an dreujenn gaol gant Dominique JOUVE ;
  • 20 lajad sonerezh eus CD an dastumad a zo da heul al levr-se. Trugarez da gCoop Breizh en deus roet e aotre evit o implij war al lec’hienn-mañ.

Bremañ e c’haller selaou 1347 skrid-sonerezh war al lec’hienn.

Lec’hienn gwellaet

• Troet eo bet al lec’hienn Hengoun dre Gomz tost penn da benn e brezhoneg a-drugarez da labour Paskal an Intañv.
• Aesoc’h eo d’an izili kevreañ (pop-up) ha gwellaet eo ar graferezh un tamm bihan.

495 Mp3 a zo bet lakaet ouzhpenn :
- 205 skrid-sonerezh : CADIC, Chansons publiées dans la Paroisse Bretonne de Paris.
- 205 skrid-sonerezh : Paroisse Bretonne de Paris.
- 27 skrid-sonerezh : GUILLERM Henri, Recueil de chants populaires bretons du pays de Cornouaille.
- 24 skrid-sonerezh : GUILLERM Henri, HERRIEU Loeiz, Recueil de mélodies bretonnes recueillies dans la campagne
- 34 skrid-sonerezh : HERRIEU Loeiz, DUHAMEL Maurice, Guerzenneu ha sonnenneu Bro-Guened, Chansons populaires du pays de Vannes, vol. 3.

Trugarez da bPatrick DUPLENNE evit e labour war ar skridoù-sonerezh.
Trugarez da Dastum en deus pourchaset ar restroù evit krouiñ Mp3 Cadic.

334 Pdf a zo bet lakaet ouzhpenn :
- 27 Pdf : BOURGAULT-DUCOUDRAY Louis-Albert, Trente mélodies populaires de Basse-Bretagne, Paris, Henry Lemoine, 1973, 115 p., Édition originale 1885.
- 31 Pdf : Kelaouenn Ar Soner, Bodadeg Ar Sonerion, 1949-[da vezañ kenderc’hel], 399 niverenn e 2018. Taolet eo bet pled ouzh ar bloavezhioù 1949 betek 1970.
- 78 Pdf : Kelaouenn Mélusine, 1878-1912, 11 levr. Rener Henri Gaidoz.
- 25 Pdf : GUILLERM Henri, HERRIEU Loeiz, Recueil de mélodies bretonnes recueillies dans la campagne, Quimper, David, 1904-1905, 43 p.
- 28 Pdf : GUILLERM Henri, Recueil de chants populaires bretons du pays de Cornouaille, Rennes, Imprimerie Francis Simon, 1905, VI + 191 p.
- 16 Pdf : Kelaouenn Brittia, Lorient,1912-1914, bep miz, 10 niverenn. Rener Yves LE DIBERDER.
- 129 Pdf : Kelaouenn Les Chansons de France, Slatkine, Genève - Paris, 1980, 668 p. Embannadur orin, bep tri miz, 1907-1913, 28 niverenn. Rener Maurice DUHAMEL.

Echu eo bremañ troidigezh al lec’hienn e Saozneg.

216 PDF nevez ha 103 restr a zo bet lakaet ouzhpenn :
- 88 studiadenn diwar-benn kanaouennoù miret e dornskridoù Ledan, tennet deus tezenn Hervé PEAUDECERF, Alexandre-Louis-Marie Lédan (1777-1855) - Un imprimeur breton au XIXe siècle (1805-1855).
- 128 kan tennet deus levr Jean-Louis LARBOULETTE, Chants traditionnels vannetais 1902-1905, Pontivy, Dastum Bro-Ereg, 2005, 278 p.
- 103 restr MP3 da selaou a zo gant al levr-mañ.

Trugarez da Hervé PEAUDECERF, Loeiz LE BRAS, Sophie LE HUNSEC ha Dastum Bro-Ereg o deus aotreet embannadur an oberennoù-mañ war al lec’hienn.

Troidigezh al lec’hienn e saozneg (90%) hag e brezhoneg (50%)

540 degouezh a zo bet lakaet ouzhpenn, tennet eus :
- levr Yann-Fañch KEMENER, Carnets de route
- an 8 levr dornskridoù Alexandre LÉDAN, Guerziou, chansoniou, ha Rimou Brezoneg

176 PDF nevez a zo bet lakaet ouzhpenn nevez :
- 79 kan deus levr Alfred BOURGEOIS, Kanaouennou pobl
- 102 gan deus levr Loeiz HERRIEU, Maurice DUHAMEL, Guerzenneu ha sonnenneu Bro-Guened, Chansons populaires du pays de Vannes
- 39 c’han deus « Comptes rendus de mission » Narcisse QUELLIEN
- 58 kan deus levr Narcisse QUELLIEN, Chansons et danses des Bretons

Hemañ eo stumm kentañ al lec’hienn bet kinniget d’an holl ! Gallout a raer klas e-barzh hep kevreañ.
Levr Ifig Troadec, «Carnets de route - Gwerzioù ha sonioù Bro-Dreger », ha PDF Gwerin tammoù 1 da 5, a zo bet lakaet ouzhpenn.
Gwellaet eo bet roll an titouroù war ar ganerien ha bremañ e vez meneget ul lec’h (lec’h orin ar ganaouenn pe lec’h an dastumad) hag an anvioù disheñvel e vez anavezet ar c’haner dindano (anv-ganedigezh, anv-familh, anv-pluenn, e galleg hag e brezhoneg)

Setu aze stumm kentañ al lec’hienn. Digoret eo d’an izili anavezet hepken.
1687 kanaouenn-skouer a zo meneget e-barzh. Diwar ar c’hanouennoù-skouer-mañ e c’haller kaout 11103 degouezh embannet pe miret e dornskridoù. E-touez an degouezhioù-mañ e vez kavet 5627 stumm-resis disheñvel. Evit 1992 anezho n’anavezer nag ar c’haner, na lec’h an dastumadenn. Evit ar re a chom eo meneget 982 wech anv ar c’haner, 328 gwech anv ul lec’h ha 291 anv dastumer.
1440 PDF a c’hell bezañ lennet war al lec’hienn. War dro 50 kanaouenn-skouer a c’hell bezañ selaouet.